Gjatë ditës së sotme Kryeministri i Kosovës Avdullah Hoti, ka paralajmëruar se Qeveria e Kosovës sonte në ora 18.00 pritet të miratojë një sërë masash të reja për parandalimin e përhapjes së COVID-19, shkruan arbresh.info.

Këto deklarata i dha kryeministri Hoti, pas takimit me përfaqësues të institucioneve shëndetësore, duke thëne se kanë përgatitur një plan veprimi i cili specifikon në detaje se cilat veprime do t’i ndërmarrin institucionet shëndetësore.

Masat e reja kundër Covid-19, pritet të miratohen sonte në mbledhjen e qeverisë që do të mbahet në orën 18.00 në mënyrë virtuale (online).

Nga ana tjetër është bërë e ditur se votimi i vendimeve të  qeverisë do të behën në mënyrë elektronike

Ndërkaq, për mbajtjen e mbledhjes në këtë mënyrë u vendos me qëllim të parandalimit të përhapjes së koronavirusit.

Ndryshe, që nga 13 marsi, kur u paraqitën e rastet e para e deri më tash, në Kosovë janë konfirmuar 3356 raste me COVID-19, prej tyre 1874 të shëruar dhe 66 të vdekur./ arbresh.info/